sunnudagur, september 26, 2004

Jæja, blogg ?

Æji ég nenni því varla. Er að deyja úr kvefi og lasleika. Ég geri samt heiðarlega tilraun til að blogga. 1, 2 og blogg!

Á föstudaginn var semsagt afmæli hjá henni Tinnu, hún bauð okkur stelpunum til sín í mat og var það afar ljúft. Þegar leið á kvöldið kíktu einhverjir strákarnir í bekknum til okkar og einhverjir fleiri. Kata Sif kíkti líka og var ekkert smá gaman að sjá hana. Kvöldið fór samt aðallega í til hlökkun til laugardagsins.

Ég fór síðan að vinna á laugardeginum til 11. Þessi vakt var að eilífu að líða. En loksins þegar að klukkan var orðin 11 kom Eik og sótti mig. Hún skutlaði mér til Egils eftir að hafa ekki séð hann í heila viku gott fólk, viku. Við þrjú ákváðum að vera eilítið villt og kíkja í smá teiti útá Nesi til hennar Bjargar sætu. Það var bara mjög fínt. Ég var samt orðin eitthvað veik og drasl þannig ég skemmti mér ekki jafn vel og ég vildi. Ég vann samt 3 af 4 í singstar. Úje. Samt yndislegt að fá Egil aftur heim, núna vantar bara Pápa og Þóru og þá er ég heil.

Ég er ótrúleg. Mér finnst ég gera of mikið mál út úr öllu. Ég spyr mig svo oft að þessu og svara "ekki vera svona mikil dramadrotting og hættu þessu væli". Þannig að ég þegi og þá nagar eitthvað mig í hjartað. Blaaaaaaah. Núna er ég að segja mér að hætta þessu væli...

Ég er orðin of dösuð til að skrifa eitthvað.

fnö

og já.. myndir, hérna til vinstri.

mánudagur, september 20, 2004

Okei, það er eitt að fara troða þessum enska fótbolta á skjá einn. Stöðin sem maður gat eiginlega alltaf treyst á ef það var eitthvað leiðinlegt í sjónvarpinu annar staðar. En núna voga þeir sér að taka One tree hill af dagskrá (í kvöld þ.e.a.s.) og sýna einhvern leik. Ég búin að læra, taka til og ekkert á dagskránni nema að slaka á og horfa á einn góðann þátt. Nei Lilja mín. Ekkert þannig í kvöld. Núna langar mig að öskra.

En að öðrum sálmum. Ég tók til eins og ég veit ekki hvað í dag. Það skrítna er að þegar ég ætla að taka til fæ ég mig aldrei til þess, en núna sat ég og var að læra og mér þótti svo ógeðslegt að sjá allt rykið á hillunum. Þannig ég náði í tusku, ryksugu og allt tilheyrandi og hófst handa. Núna glampar allt inni hjá mér. Mér finnst líka gott að taka svona til og gleyma mér og taka hugann af einhverju sérstöku. Núna eru nefninlega Pabbi, Þóra, Sólrún og Egill öll búin að yfirgefa mig í viku. Þau hittu líka öll svo vel á, að fara í burtu á akkúrat sama tímanum. En þau koma öll (að mig minnir) á laugardaginn, þannig þetta er nú ekki neitt slæmt.

Síðasta vika og helgin fór í ísbíltúra hjá mér þar sem að Eik var að fá bílpróf, það var mjög gaman. Að keyra um, spjalla og borða góðann ís, ég var allavega vel sátt. Síðan í gærkvöldi fór ég til hennar Evu Rúnu að klára vefverkefnið okkar í ensku. Við áttum að bera saman Ameríska og Íslenska jólasveininn. Það heppnaðist bara mjög vel, fyrir utan smá biturleika og gelgju í umfjöllun um þann ameríska. Núna bíðum við bara eftir einkunn. Að verkefninu loknu kíktu við Eva Rún í enn einn ísbíltúrinn með henni Björgu og tveimur vinkonum þeirra. Fengum okkur vatnsís á Hagamel og keyrðum eitthvað um. Björg fór á kostum og Eva Rún einnig, sérstaklega þegar að hún skallaði rúðuna. :)

Ég ætla að fara að skipta um á rúminu mína, lesa Ringelheim, fara í bað og svo beint uppí rúm. Ekkert betra að fara að sofa með hreint á rúminu eftir að hafa farið í hlýtt bað.

Hafið það gott elsku bestu lesendur.

sunnudagur, september 12, 2004

What's your name? What's your number ?
I would like to get to know you.
We could have a conversation.
The night is young, give it a chance.

Þessar línur einkenndu afmælispartíið hennar Maríu Bjartar, auk þess varstrippari, MR-ingar í tóga, tolleringar og margir sungu frá sér hjörtun til að fá aðgang. <3

Jæja, þá er helgin næstum því yfirstaðin. Afmælisboðið var hápunkturinn. Fyrst sátum við nokkrar stelpur, þar á meðal Eik og Gugga mínar sætu, við matarborð og gæddum okkur á afar ljúffengu kjúklinga fajitas. Síðan dönsuðum við af okkur rassana í takt við Nick og Jai. Kenndum öllum partígestum dansinn við misgóðar undirtektir. Einhverntíman á meðan á öllu þessu stóð mætti strippari í lögreglubúningi. Hann féll samt ekki vel í kramið hjá öllum, strákar ættu að halda sér frá g-strengjum, en afmælisbarnið grét næstum því af hamingju. Síðar mættu Egill, Jón og Hjálmar og sungu blítt til Maríu sem var hæst ánægð. Egill spilaði síðan og fólk söng þó að sumir hefðu ekki kallað þetta söng. Egill söng þar á eftir og spilað það sætasta og fallegasta lag sem ég hef nokkurn tíman heyrt. :)

En ég er bara eitt bros eftir þessa helgi, get virkilega ekki hætt að brosa.

Hafið það gott öll sömul.

miðvikudagur, september 08, 2004

Langur tími ekkert blogg.

En hér er ég nætt, hressari sem aldrei fyrr.

Fyrir utan það að mér er afar illt í maganum, það er vont veður og ég á eftir að lesa 12 blaðsíður í jarðfræði. Hver elskar ekki skólann?

Í gær var busaball. Það var bara mjög gaman. Fór í fyrirpartí hjá henni Möggu sem var svo yndæl að halda það fyrir okkur bekkjarfélagana. Ég verð að vera hreinskilin og segja að í fyrra fór bekkurinn mis vel í mig, held að það hafi bara verið þröngsýni af minni hálfu meðal annars. En núna þegar að ég er búin að kynnast fólkinu þá eru þetta yndi upp til hópa.

Ég er að horfa á með öðru auganu á heimildarmynd um yngstu manneskjuna sem að hefur lifað af 90 prósentu bruna. Guð hvað ég vorkenni henni, hún er með ekkert hár, engin eyru, ekkert nef, engar hendur og aðeins einn fót. Síðan er hún með ör yfir öllum líkamanu, ótrúlega ljót ör, nema þar sem hún var með blauta bleyju yfir bossanum. Eldurinn sem að hún lenti í kviknaði út frá sígarettu móður hennar. Pælið í því...

Ég hef ekkert áhugavert að blogga um. Ætli að það sé ekki ástæðan fyrir hvað ég er löt við að blogga þessa dagana. Ég geri ekkert áhugavert og bloggið er ekki áhugavert. Blaaaaaaadeblööööööh.