sunnudagur, júlí 25, 2004

Ég verð að segja að mér finnst Auglýsingahlé með Simma og Jóa vera bara frekar fyndinn þáttur. Að því leiti að þessar auglýsingar í þættinum eru flestar drepfyndnar. Ég ligg á gólfinu allan tímann.

Núna er Sólrún elskan mín á Akureyri. Núna er ég ekki búin að sjá hana í sirka 2 vikur. Alltaf vex samviskubitið. Fæ ábyggilega ekki að sjá hana fyrr en eftir verslunarmannahelgi.

En ég fæ að sjá hana Lenus mína á fimmtudaginn. Ég hlakka svo til að sjá hana :) búin að vera án hennar í 3 langar vikur.

Helgin mín einkenndist af hangsi og leti, aðallega hangsi heima hjá honum Agli sem er alltaf gaman. Eik kíkti síðan aðeins til mín og Egils á laugargadskvöldinu. Þegar að ég kynnti Eik spurði Edda, systir hans Egils, hvort að þær hefðu ekki verið í bekk einhverntíman. Eik var nú ekki alveg á því þar sem að hún hefur búið í Danmörku næstum alla sína ævi. Edda var samt alveg viss, og kveikti síðan Eik á perunni og voru þær saman í 1 og 2 bekk í Melaskóla. Svona er nú Ísland pínku ponsu lítið. Jahá . .

Jæja, ætla að fara taka til í blessaða herberginu mínu.

        :)

föstudagur, júlí 23, 2004

Jæja, ég er komin aftur upp á Krókháls. Ég er samt frekar fegin því að veðrið úti hefur verið betra. Síðan spyr ég bara hver vill ekki fá borgað fyrir að hanga í tölvunni og sitja allan daginn ? Það getur að vísu verið þreytandi en það er gaman að brjóta vikuna svona aðeins upp.

Í gær fór ég út að borða með vinnunni, fórum á Amerikan stæl. Það var mjög fínt, hef sjaldan verið jafn södd. Ég er nefninlega þannig sjáið til, að þegar að ég borga fyrir eitthvað, þá ætla ég að fá það sem ég borga fyrir. Þannig þegar að ég  fer að borða, hætti ég ekki fyrr en allt á disknum er búið. Þó að ég sé komin með mat uppí háls og er alveg við það að springa. Síðan drekk ég alltaf nóg af gosi, finnst að það er frí áfylling, þá verð ég alltaf að fara að minnsta kosti 5 sinnum. Því að það er jú frí áfylling. Þá bara verð ég.

Aaaaah ég er að fá borgað fyrir að hanga í tölvunni. En bráðum verð ég að snúa mér aftur að bókinni því að kallinn fer að koma.

Vei ! var að finna vél sem prentar út límmiða, farin að drepa tímann.

fimmtudagur, júlí 22, 2004

Þessi vika er búin að vera mjög auðveld fyrir mig vinnulega séð. Lof mér að telja upp það sem ég er búin að þurfa að gera.

1. Þurka af eldhúsborðinu 3 sinnum.
2. Ryksuga dauðar flugur úr öllum gluggum.
3. Sópa.
4. Skúra.
5. Taka á móti einu bréfi.

Þannig er það nefninlega að einhver kall sem á að vera á svona lager/skrifstofuhúsnæði  Landsvirkjunar á Krókhálsi er í frí. Þannig ég var send þangað í 2 daga. Fyrri daginn sat ég og starði út í loftið en þann seinni var ég svo gáfuð að taka með mér bók til að lesa.

Já! Síðan er ég, Lilja hvíta, Lilja sem er eins og lík og alltaf föl, Lilja snjókall bara komin með lit. Ekki bara freknur, ekki bara brunnin heldur lit. Ekki að það sé eitthvað merkilegt mér finnst það bara furðulegt. Þó að ég sé með svona white trash bóndafar.

Ég verð svo ánægð þegar vinir mínir eru ánægðir. Mig langaði að óska Dóru tilhamingju með nýju íbúðina. Ég er svo hamingjusöm fyrir þig ljúfan. :)

 

mánudagur, júlí 19, 2004

Drottinn minn dýri, þessir hormónar eru að ganga frá mér. Það eina sem ég vill borða þessa dagana eru pizzur, lakkrís, súkkulaði og súkkulaðikökur. Þó ég tali nú ekki um hvað það þarf lítið til að fá mig til að gráta eins og lítið beibí. Ég finn ekki fjarstýringuna, tár. Einhver getur ekki hitt mig, nokkuð mörg tár. The O.C., táraflóð. Þó að ég þurfti að bíða með það táraflóð þangað til að ég kom heim, ég veit ekki alveg hvað Egill hefði gert hefði ég opnað flóðgáttirnar. Þetta er óþolandi, ég get enganvegin stjórnað þessu. Ég er að tala um litla hluti eins og það að mamma gleymdi að kaupa nesti og ég græt hástöfum. Hvað getur stelpa gert ?

Dagurinn í dag var ágætur. Byrjaði á vinnunni sem var fín, biðum frá korter í 8 til hálf 11 eftir plöntum. Unnum í ca. 2 klukkutíma og pöntuðum okkur pizzur (mmmmm..), sem var afar ánægjulegt. Síðan unnum við í klukkutíma eftir all langt matarhlé. Síðan hélt ég heim á leið.
 
Helgin var líka mjög ljúf. Fór og hitti hann uppáhalds eftir að hann var búin að vera úti í Austurríki í viku. Fór síðan bara snemma í háttinn. Tók síðan nett flippað á því um laugardagsmorguninn, skúraði, tók til í fataskápnum mínum, þurkaði af og tók vel til inni hjá mér (þó að það endist ekki lengi). Eftir allt þetta vakti ég eiginkonuna sem að ég rétt missti af því að hún var búin að lofa sér annað. Þá vakti ég bara næst Egil sem var til í að veita mér félagsskap. Við röltum í bæinn og upp laugarveginn. Oooooog sunnudagurinn var ekki af verri endanum þar sem að ég hitti Eik mína yndislegustu eftir að hún var búin að vera úti í Danmörku í 1 og hálfa mánuð. Við fengum okkur ís og sátum og sóluðum okkur á Austurvelli. Ekkert smá gaman að hitta hana aftur, ótrúlegt hvað maður getur saknað minstu hluta sem að manneskjur gera. Síðan enduðum við kvöldið vel og fórum í bíó á Shrek 2, þar sem að Egill, Óli og Ari slógust í hópinn. Mæli eindregið með þeirri mynd, ef ykkur fannst 1 vera fyndin, úff . .  þessi er miklu fyndnari. Brosið fór ekki af andlitinu mínu.
 
En já, svefn eða grátur . . eða eitthvað.

sunnudagur, júlí 18, 2004

föstudagur, júlí 16, 2004

Aaaah hvað það er gaman að sofa út á launum, áðan fór ég í freyðibað á launum. Núna er ég að blogga á launum, ekkert smá skemmtileg tilhugsun. Á eftir ætla ég að fara hitta Döggu og Tobbsen á launum, við ætlum allar að fara ó kringluna og niðrí bæ á launum. Ég er núna að sitja og gera næstum því ekki neitt ... á launum. úje!
 
Hætt að blogga, á launum.
 
aaaah ljúfa líf.

mánudagur, júlí 12, 2004

Þegar ég var á leiðinni heim úr vinnunni síðasta laugardag tók ég eftir því að nýjasta tölublað grapevine var komið út. Mér til mikillar gleði þar sem mér leiddist mjög mikið. Þegar ég var að fletta í gegnum það og var komin að hlutanum sem kallast "music and nightlife" tók ég eftir lítilli grein um hljómsveitina Jan Mayen. Þegar ég var búin að lesa greina alveg í gegn og heillast af því hvað hún væri vel skrifuð, tók ég eftir því að hún var skrifuð eftir fyrrverandi bekkjarfélaga minn í Kvennó hann Hrafn. Þetta er mjög áhugaverð grein og mæli ég með að allir næli sér í nýjasta tölublað Grapevine og fletti á blaðsíðu 22 og lesi þar greinina. Það sem kom mér kannski mest á óvart var hversu vel skrifuð greinin var og vandað málfar, eins og kannski flestir vita er blaðið skrifað á ensku og flestar greinarnar skrifaðar af útlendingum. En já . . .

Ég er byrjuð að vinna á Úlfljótsvatni við að búa til stíga, sem er ágætt. Góð tilbreyting frá því að hafa verið að planta í 5 vikur. Við í vinnunni ákváðum að gera okkur glaðan dag og gista eina nótt á Úlfljótvatni, þannig að ég mun ekkert koma heim á morgun. Bara svo að þið vitið, því að ég er svo mikilvæg. Þannig það verður grill og húllumhæ hjá mér á morgun. Vei vei!

Ég get ekki beðið þangað til á föstudaginn, ég fæ útborgað, er í frí útaf því hvað við erum að vinna lengi þessa dagana og ég fæ ábyggilega að hitta uppáhalds. Ég er búin að vera telja daga, þetta virðist aldrei ætla að verða búið.

Síðan er Sólrún mín sætasta og yndislegasta farin að labba útum allt. Ég er alltaf að vinna og kem heim dauðþreytt og sofna alltaf um leið og hausinn kemur við koddann. Sá hana síðast á fimmtudaginn minnir mig. Ég er með svo ótrúlega mikið samviskubit yfir að sjá hana svona lítið, er ég ekki frábær systir ? Ég vildi óska þess að hún ætti heima hjá mér eða öfugt. Þetta rífur einfaldslega úr manni hjartað að missa af öllu þessu.

Ömurlegt.

föstudagur, júlí 09, 2004

Það eru allir að fara frá mér :( Lena er útí Svíþjóð , Sólrún farin út á land með pápa og Þóru og síðan er Egill bara allt í einu farin til Austurríkis. Allt uppáhalds fólkið mitt bara búið að yfirgefa mig. Ég er bara búin að vera borða ís og súkkulaði síðan að þau fóru, þó ég tali nú ekki um að ég er búin að grenja einsog lítið beibí. Búúhúúúhú . . ... Hvernig á ég að geta lifað af viku án uppáhalds ?

Ég nota þá kannski bara tímann í að blogga eitthvað almennilega.

Ég fór á Placebo síðasta miðvikudag. Þetta voru frábærir tónleikar, hef aldrei upplifað annað eins. Ég er bara mjög sátt með þá, labbaði út með bros aftur á hnakka. Tóku alla helstu slagarana og byrjuðu á Taste in men, mér þótti það ekkert smá flott. Síðan þegar að þeir tóku Nancy Boy var ég ekkert smá ánægð, enda hafði ég heyrt að þeir hafa ekki tekið það í nokkur ár. Ég hefði samt viljað sjá þá taka My sweet prince og you don't care about us. Annars var þetta frábært og yndislegt kvöld. Langar líka að þakka Valdísi sætu fyrir félagsskapin, þú bjargaðir mér úr mikilli klípu eftir að ég fattaði að ég vissi ekkert með hverjum ég væri að fara. :)

Síðan er teiti hjá okkur vinnufélögunum í kvöld, það ætti að verða .. já .. áhugavert.

Farin að leggja mig. ZZzzzz

miðvikudagur, júlí 07, 2004

Þessi vika er búin að vera ótrúlega skemmtileg. Búið að vera lítið að gera í vinnunni og dagarnir fljótir að líða, hef aldrei skemmt mér svona vel í vinnunni. Ég er bara hlæjandi til klukkan 4, mér að óvörum, því að þurfa mæta í vinnuna er ekki það mest spennandi sem að ég geri. Veðrið í gær og á mánudaginn skemdi síðan alls ekki.

Ég er að fara á placebo ! vá hvað ég hlakka til, búin að vera með fiðring í mallanum í allan dag.

Vúúúú !!!!

Síðan las ég á síðunni hans Guðjóns að einhver vinur hans hefði setið við hliðina á Brian Molko alla leið frá Danmörku og til Íslands. Ekkert smá heppinn af þetta er satt. Vá, hvað ef þetta er satt ? Þetta hlítur að vera satt. Eða eitthvað.

Farin á tónleikaaa

laugardagur, júlí 03, 2004

Ég er pirruð, svöng, gröm og afar syfjuð. Ég get samt ekki gert annað en að brosa. Farin að sofa.

:)

bújah !