mánudagur, ágúst 30, 2004

Þetta blogg verður ábyggilega afar óáhugavert.

Þetta hefur verið á döfinni hjá mér:

• Skóli
• Skóli
• Heimavinna
• Smá sálarkrísa
• Meiri skóli
• Veik
• Enn meiri sálarkrísa
• vinna

Núna er ég að passa Sólrúnu sætu. Hún er að hlaða á mig dóti sem ég á að skoða eða eitthvað, neitar að taka það aftur og núna sit ég með fangið fullt af boltum, böngsum og þannig dóti. Hún er samt litla yndið mitt þannig það er allt í lagi. :) Afhverju á krakkinn svona mikið af dóti? Ég veit ekki, hún er með athygli og minni á við 3 sekúndur þannig ef hún ætti bara svona 4 leikföng þá væri hún sett. Myndi fá ógeð á einu, taka upp næsta, þá væri það bara eins og nýtt. Svona einsog gullfiskar þurfa bara svona lítil búr því að þeir eru með svo stutt minni, því að það er alltaf einsog þeir séu að koma á nýjann stað, því þeir voru búnir að gleyma honum... já... ég er farin að rugla.

Ég semsagt vann bara um helgina, þannig það er líka óáhugavert. Mig langaði samt svo að spyrja yfirmann minn hvort að hann væri búinn að sjá Supersize me, en ég sleppti því. Fólkið þarna þolir mig ekkert vel fyrir. Ég ætti kannski ekki að fara gefa því ástæðu til að hella óvart yfir mig djúpsteikingar feitinni.

Tilvera mín er svo dauf að það hálfa væri nóg. Ótrúlegt hvað það þarf lítið til að kæta mig. Eik hringdi í mig í gær og ég gat ekki hætt að brosa. Útaf símhringingu. En hún er svo elskuleg og skemmtileg að þetta virkilega hressti upp á daginn minn. Ég var farin að efast um að einhverjum þætti vænt um mig. En haaaaa, Eik hringdi ! újeeeeeee !!

Mig langar að blogga frá mér allt hjartað. En ég get það ekki.

þriðjudagur, ágúst 24, 2004

Þetta verð ég að eignast! Einfaldlega verð. Verðverðverð. Gott að pápi er að fara út til Bandaríkjanna í september. Þannig ég sannfæri hann um að þetta sé afmælisgjöfin í ár.

Annars var skólasetning í dag, sem var ágætt. Fyrir utan mjög svo leiðinleg ræðuhöld hjá skólastýrunni okkar. Hlakka mjög mikið til að sjá busuna í þeim sporum sem ég var í fyrra, leitandi að miðhúsum og þar fram eftir götunum. Þarf samt að fara í leikfimi í fyrsta tíma klukkan hálf 9 í fyrramálið. Ekki sátt með það. Sei sei nei.

Ég ætla bara að hafa þetta stutt.

sunnudagur, ágúst 22, 2004

Ég er búin að setjast við tölvuna svona 5 sinnum og ætla að blogga. Hef byrjað að pikka eitthvað á lyklaborðið. En fingurnir hafa ekki dansað um lyklaborðið eins og þeir gera venjulega af fúsum og frjálsum vilja. En núna ætla ég að reyna koma nokkrum línum niður.

Þessi önnur frívika mín hefur verið leti, leti og enn meiri leti. Ég man varla hvað ég gerði. Ég hitti Sólrúnu mínu sætustu. Alltaf gaman að sjá hvað hún er að læra nýtt, núna er hún alltaf í svona "þykjustu" leikjum. Síðan verða litlu sætu sætu krullurnar hennar alltaf meiri og meiri, hvernig hægt að vera jafn sæt og hún ? Allavega á fimmtudeginum kíktum við Frikki á Ellefuna og hittum þar nokkra krakka úr Kvennó, sem var afar gaman. Fórum síðan á Jón Forseta þar sem var karíókí kvöld, ég held að Skjöldur hafi sungið annað hvert lag. Sem var, öhm, misfallegt. Eða eitthvað. Síðan var það menningar dagurinn... Hann var ekki fallegur elsku lesendur. Ég fór og hitti hana Eik niðri í bæ. Síðan þurfti hún Eik að rölta út á Granda til hennar Helgu að ná í veigarnar sínar. Eftir mikla göngu, þreytu og að hafa villst nokkrum sinnum hringir hún Helga og segir okkur það að hún er farin, og við getum hitt hana á Ítalíu á Laugarveginum. Þannig við löbbuðum frá Granda og aftur í bæinn, og upp laugarveginn. Mig langaði virkilega að sparka í sköflunginn á henni þegar hún sat þarna á Ítalíu blessunin. Útaf öllu þessu missti ég af Ensími, Heróglym og Svefnþorn. Bíða 5 mínútur Helga, 5 mínútur! Reyndar missti ég af Svefnþorn að sökum þess að síminn hennar Eikar dó, minn var inneignarlaus og við vorum ekki búin að borða neitt allan daginn. Þannig við fórum til Eikar áður en við brunuðum til Guggu, labbandi að sjálfsögðu.

Já Gugga, við fórum semsagt til Guggu. Spisuðum, hresstum okkur við og tókum smá rúnt dán memorí lein. Það er nú alltaf gaman. Síðan (síðan, síðan, síðan... er orðið frekar þreytt blogg) fengum við stelpurnar far hjá henni Sunnevu vinkonu Guggu niður í bæ. Á leið okkar niður Laugarveginn var einhver trommu-eitthvað-sveit sem labbaði niður Laugarveginn á undan okkur og trommuðu frá sér allt vit. Síðan var einn maður sem var yfirleitt fyrstur, rosa fínt upp dressaður og með rauða fiðrildi vængi í þokkarbót sem ég get svo svarið fólk að var... bammbarammbamm... Jónsi í Sigurrós. Já, Jónsi í Sigurrós, ekki í svörtum fötum heldur Sigurrós. Það þótti mér frekar skondið. síðan var kvöldið nokkurnvegin svona :

• flugeldasýning
• hitti gamla skólafélaga úr álftó
• hitti skólafélaga úr Kvennó
• labbaði til Egils þar sam hann var á Aktu taktu, mjög skrautlegur
• rölti með honum og hitti nokkra vinnufélaga og fleiri skólafélaga
• meira rölt
• hitti brósa klósa sem var afar drukkin og þar af leiðandi öskraði hann mikið.
• ég og Egill löbbuðum á Dominos og heilsuðum Magga vini hans
• Fórum heim, þó að ég þurfti lyggur við að draga suma heim :)

Nú er ég hér, búin að snúa sólarhringum mínum við og þarf að vakna í klippingu í fyrramálið. Síðan er bara skólasetning á þriðjudaginn og svo tekur skólinn við á miðvikudaginn. Get ekki beðið :)

Jæja, hafið það gott öll sömul.

laugardagur, ágúst 14, 2004

Ég get ekki gert annað en að brosa þessa dagana, þó að lífið sé ekki allt dós af hamingju, þá er það góða svo yndislegt að hitt fellur einfaldlega í skugga.

Kvöldið í kvöld var einfaldlega æðislegt. Ég og Friðrik vorum búin að iða í sætum okkar því að okkur langaði svo að gera eitthvað skemmtilega fyrir Evu Rún. Við slógum til og ákváðum að hafa afmælis-matarboð heima hjá mér með blöðrum og öllu tilheyrandi. Eik ákvað að taka þátt í gleðinni með okkur og náði í elskuna uppá hrafnistu í vinnuna þegar að hún var búin að vinna. Batt trefil um augun á henni og leiddi hana út í bíl. Þegar að hún kom eftir margar tröppur opnuðum við Frikki dyrnar með ljósin slökkt og tilheyrandi "sööööpræs" öskri. Við bárum á borð gómsætt fajitas og í eftirmat var svo djöflaterta sem að ég sjálf, Lilja Hrönn, bakaði. Hún var meira að segja æt. Újeeee. Við fjögur sátum síðan og rifjuðum upp byrjun skólans þegar við öll þekktum hvort annað ekki neitt og lýstum hvernig við virkuðum öll við fyrstu kynni. Það var afar fyndið get ég sagt ykkur. Síðan kíkti Nadira og svo seinna Egill. Þegar leið á kvöldið skutlaði Egill henni Nadiru og honum Frikka niður í bæ og Eik og Evu Rún heim í hlýtt bólið. Þar á eftir fórum við og sóttum Eddu systur hans og tvær aðrar vinkonur hennar, Soffíu Dóru og Laufey. Við rúntuðumst eitthvað í smá tíma og svo fór fólk að átta sig á því að á morgun tekur við vinnan. Þannig við fórum öll að týnast heim...

Ég elska og dýrka vini mína svo ótrúlega mikið, mig langar bara að knúsa þá og kyssa endalaust. Ég er svo ótrúlega heppin, þó ég tali nú ekki um sæta sæta aðilann sem mig langar stundum bara að borða með skeið.

aaaaah ég verð að fara sofa!

þriðjudagur, ágúst 10, 2004

Í dag, þann 10. ágúst, er merkisdagur. Nei það er ekki útaf því að hún pink er að fara söngla í kvöld, og nei það er ekki vegna þess að það er verið að endursýna lokaþátt The D.A. (samt pínu, því að ég missti af honum) heldur er það vegna þess að hún yndislega, sætasta og besta Eva mín Rún sem á afmæli í dag. Hún fagnar sínum seytjánda afmælisdegi í dag. Eva mín þú ert svo yndisleg, góðhjörtuð og frábær að það hálfa væri nóg. Þú veist ekki hvað ég er ánægð að hafa kynnst þér. :)

<3 Hafðu það sem best í dag ljúfan.

Ég fór á kaffihús með honum Frikka í gærkvöldi, hafði ekki hitt hann síðan ég veit ekki hvenær. Það var afar gaman. Þegar að við vorum á heimleið og löbbuðum framhjá tjörninni þá var búið að setja á flot heilan helling af kertum. Ekkert smá fallegt. Síðan var tunglið líka svo flott. Ótrúlega dökkgult og svona hálft einsog ég teiknimyndum.

En þá er ég farin og segi bara 'bon voyage', as they say in Glasgow.

sunnudagur, ágúst 08, 2004

Mig líst ekkert á hvað ég er farin að vera löt við að blogga, en það breytir engu. Það deyr engin.

Ég er búin að vera frekar duglega þessa vikuna. Ég vann, vann og vann meira, síðan tók ég all verulega vel til í herberginu mínu. Tók allt niður af veggjunu, myndir og þannig, og raðaði upp á nýtt. Bætti nýjum við og tók úreltar og ljótar niður. Þurkaði af öllu, tók til í öllum skúffum og í skápnum mínum. Ryksugaði og allt þetta venjulega. Get ekki beðið eftir að fara að sofa í kvöld. Það besta sem að ég veit er fara í heitt bubblubað og fara síðan að sofa í hreinu herbergi og nýbúin að skipta um rúmföt. Mmmm svefn, ég elska svefn. Mig langar í vinnu hjá svona svefnfyrirtæki sem gerir rannsóknir á svefnvenjum fólks eða e-ð þannig. Það væri nú þægilegt.

Í gær fór ég niður í bæ með henni Evu Rúnu og með henni voru líka Geirþrúður, Hildur og Lalli, við horfðum (eða reyndum, sáum varla fyrir regnhlífum, það rigndi nefninlega svooo mikið) á dagskrá hinsegin daga. Friðrik minn var náttúrulega lang sætastur og dansaði frá sér allt vit á sviðinu með hinum ó svo mikla homma Skildi Eyfirði. Hefði Skjöldur ekki verið að bera á sér bossann og svoleiðis hefði hann fallið í skugga fyrir Friðriki. Eftir að dagskráin var búin fór ég og hitti Egil. Við fórum heim til hans og hann gerði heiðarlega tilraun til að steikja hamborgara. Þegar að hann var að byrja að steikja hann skrapp ég út í sjoppu, 2 mínútum seinna kom ég tilbaka og þá var allt húsið fullt af reykmóðu ógeði einhverju. En Egill sagði að hann hefði bragðast mjög vel og það er jú fyrir öllu. :) Ég ákvað samt bara að halda mig við pizzu. Horfðum saman á Analyze this og hún er enn jafn fyndin. Verð að fara sjá Analyze that og athuga hvort að hún sé jafn góð, þó að ég hef ekki góða reynslu af framhaldsmyndum. Þá er Shrek 2 ekki tekin með.

Farin að finna eitthvað meira sem þarf að þrífa eða taka til í.

mánudagur, ágúst 02, 2004

Jæja, þá er ég komin heim og ég verð að segja að ég elska harða veggi, þök og rúmið mitt svo innilega mikið. Einnig það að inni hjá mér er ekki allt morandi í ógeðslegum köngulóm og ógeðum.

Ég held að ég sé loksins vaxin upp úr Galtlæk, ég fór að sofa klukkan 1 bæði föstudags og laugardagskvöldið, og fór svo beint að sofa eftir að Lada sport höfðu lokið sér af í kúlinnu á sunnudagskvöldinu. Krakkar enn á grunnskóla aldri réðu ríkjum þarna, og Selfyssingar. Er eitthvað skemmtilegra en haugafullir selfyssingar sem elska honduna sína meira en mömmu sína ? Ég held ekki, enda eru þetta heimsklassa séntilmenni. Ég vissi að það boðaði ekki gott að Coral voru ekki að spila, það var einfaldlega leiðinlegt. Fyrir utan það að það var æðislegt veður á laugardeginum og sunnudeginu. En ég verð að spyrja ef það er einhver þarna úti sem veit svar við þessu, hvað er að flestum stelpum í dag ? Það voru virkilega stelpur þarna í mínípilsum, mínípilsum sem náðu rétty svo niður fyrir rass og ég ýki ekki. Síðan til að toppa allt voru þær í sandölum. Sandölum. Drottinn minn dýri er allt að fara til andskotans ? Ég var þarna, í þykkum sokkabuxum, thaibuxum, sokkum, ullarsokkum, tveimur bolum, peysu, anorakk og með sjal og var að deyja úr kulda. Ég vil ekki einu sinni ímynda mér hvernig þeim leið... brrrr

En já Lada sport voru hressir að vanda og skemmtilegir, lífguðu virkilega upp á mér eftir þessa ó svo leiðinlegu og köldu helgi. Ég er bara ekki tjald manneskja. En ég þarf hvort eð er aldrei að borga mig inn á Galtalæk þannig ég fer yfirleitt og kvarta ekki. Þetta hefur verið fínt síðustu ár. Varð bara fyrir virkilegum vonbrigðum með hversu leiðinlegar hljómsveitir voru að spila þetta árið í kúlunni. Sú eina sem var eitthvað varið í var Lada Sport, síðan fannst mér Gaur vera hressir.

Á sunnudeginum kom líka Eva Rún mín og heilsaði upp á mig og elskulega Helga hennar sem var að spila. Hún stoppaði þó stutt því að um leið og Helgi var búin að spila voru þau rekin af svæðinu, eða eitthvað. Þannig hún þaut aftur til Reykjavíkur. Þó að þú stoppaðir stutt Eva mín þá var þess virði, þú gerðir þessa helgi miklu skemmtilegri fyrir vikið. :)

ooooh síðan verð ég að taka uppúr töskunni og þannig á eftir, but now, I sleep.